Indepensar ni Senator Ronald “Bato” dela Rosa ni sigud a President Rodrigo Duterte manipud kadagiti kritisismo kasaruno ti nagbalin nga statement daytoy itay nabiit a patayenda dagiti 15 a senador.
Sigun kenni dela Rosa, agjojoke laeng ti sigud a presidente ken saan a pudno nga aramidenna ti mangpapatay.
Impetteng ni dela Rosa a nabayagen a kastoy ti panagsasao ti sigud a presidente isut gapuna a saanen nga ipaayan iti aniaman a kaipananan gapu ta agpakatkatawa laeng daytoy.
Maipalagip a nasao ni Duterte ti panangpapatay kadagiti senador bayat ti PDP-Laban proclamation rally nu sadino kadwana ditoy dagiti annakna a da Vice President Sara Duterte ken Davao City Mayor Sebastian Duterte a nangiyendorso iti siyam a senatorial candidates para iti 2025 midterm elections.
kabayatanna, nangipaay met iti reaksyon ni President Ferdinand Marcos Jr. maipapan ditoy nu sadino kinuna a makapadanag a sumagmamano kadagiti tattao ti makapanunot a ti solusyon laeng kadagiti parikut ket ti panangpapatay kadagiti ad-ado a Pilipino.
