Binutosan ti Senate Impeachment Court ni Senator Francis “Chiz” Escudero kas presiding officer wenno mangidaulo iti impeachment trial ni Vice President Sara Duterte ita nga aldaw.
Inpila ni Senator Panfilo Lacson ti nominasyon ni Escudero para iti nasao a posisyon , banag a kinontra ni Minority Leader Alan Peter Cayetano ken ti minority bloc.
Gapu iti daytoy, inlukat ni Senate President Sherwin Gatchalian ti panagbutos dagiti senator-judges no sadino 12 a senador ti inmannugot ken 8 met ti kinmontra.
Inlawlawag ni Senator Kiko Pangilinan ken sigud a Senate President Tito Sotto nga awan ti eksakto a probisyon iti konstitusyon a mangibagbaga a ti Senate President ti kasapulan nga agserbi kas presiding officer iti impeachment trial ti maysa a bise-presidente.
Immuna metten a nangidaulo ni Escudero iti impeachment court idi napalabas a tawen idi daytoy pay laeng ti Senate President.
Makadua ni Escudero ni Senate President Sherwin Gatchalian iti panangidaulo iti mannarimaan nga impeachment trial ni VP Sara. //bombokaren.c.sapirao
