Impetteng ni Senador Ronald “bato” dela Rosa a puros pulitika ti panpanunoten dagiti dadduma a kongresista.
Daytoy ket kalpasan nga inakusaran dagiti sumagmamano a kongresista da dela Rosa, Vice President Sara Dutere ken dadduma pay a mabalin a sumangoda iti obstruction of justice gapu ta sigun kadakuada, nalawag nga inallilawda dagiti opisyal a naidesignar a mang-arestar kenni Pastor Apollo Quiboloy.
Maipalagip nga immapela ni dela Rosa kenni President Ferdinand Marcos Jr. a pasardengenna ti operasyon dagiti otoridad iti compound ti Kingdom of Jesus Christ a paglemlemmengan ni de la Rosa gapu ta adon nga estudyante ken residente ti maap-apektaran.
Impaganetget ti nasao a senador a maseknan daytoy iti sitwasyon dagiti residente iti compound ken tapno makasubli metten iti klase dagiti estudyante.
Kabayatanna, kinuna ni de la Rosa a damagenna kenni Quiboloy nu daytoy ket simmuko wenno tiniliw dagiti otoridad nu maangay ti hearing iti Senado.
Innayon ti senador a rumbeng a lawlawagan dagiti law enforcement agencies nu ni Quiboloy ket simmuko wenno tiniliw dagiti otoridad.
