Imbutaktak ni senator-elect Imee Marcos a kayatna a mangipila ti petision iti Korte Suprema a mangkuestunar iti “proceedings” ti House of Representatives seknan iti impeachment ni Vice President Sara Duterte, kasaruno ti kinuna ni Alyansa Campaign manager Cong. Toby Tiangco.
Iti social media page ni Imee, a pagaamo a kaalyado ni Vice President Sara, kinunana a nakasaganan a mangkuestunar iti proseso nga inaramid ti House of Representatives no adda dagiti saksi a mayat a mangpaneknek a napilitan a nagpirmada iti impeachment.
Para kenni Marccos, panawenen tapno maibasura ti kaso nga impeachment gaputa patienna a “nasuhulan” wenno naipit ti pondo dagiti congressman isut rason a nagpirma dagitoy.
Daytoy ket kasaruno ti kinuna ni Tiangco a sumagmamano kadagiti pro-administration congressmen ket napuersa a mangpirma ti impeachment kontra kenni Duterte gapu iti butengda a saan a maala dagiti pondoda iti bukodda a distrito.
