Binabalaw ni Senador Erwin Tulfo ti maatap a panaglabsing ti sumagmamano a negosyante iti prize freeze.
Gapu iti dayta, inawaganna ti atensyon ti Department of Trade and Industry (DTI) a mangipatungpal iti aktwal nga inspeksyon kadagiti paggatangan tapno masigurado ti proteksyon dagiti umili.
Maipalagip nga inpaulog ti Department of Trade and Industry ti prize freeze agingga Mayo 10 kas addang iti panangtulong kadagiti umili gapu pay laeng iti panagngato ti presyo ti produkto a petrolyo .
Nupay kasta, sigun kenni Senator Tulfo, adda dagiti report a saan daytoy a masursurot, partikular kadagiti babasit a tiendaan ken lokal a palengke.
Impetteng daytoy a kasapulan a maberipika ti aktwal a sitwasyon kadagiti palengke.
Iti sidung gamin ti mannarimaan a linteg, asinoman nga aglabsing iti price freeze ket mabalin a sumango iti kaso nga administratibo, multa, ken posible a pannakaibalud depende iti dagsen ti panaglabsing ti maysa nga indibidual. //bombokaren.c.s
