Kagidan iti panangrugi ti maika-pito nga aldaw ti impeachment trial ni Vice President Sara Duterte, kinidaw ni Senator Erwin Tulfo iti impeachment court a saanda nga aramaten ti nasao a hearing kas plataporma tapno depensaanda dagiti bukod da a bagi kadagiti isyu a sangsangwenda.
Daytoy ket kalpasan iti manifestation ni Senator Robin Padilla seknan iti dinakamat ni Ombudsman Boying Remulla a saanna nga inkankano ti summon kenkuana seknan iti obstruction of justice a naipila kontra kenkuana.
Sigun kenkuana, ti nasao a hearing ket para laeng iti impeachment ti bise presidente ken saan a para iti anyaman nga isyu.
Inyebkas pay ti senador a papartakenda ti proseso ken surotenda dagiti pagalagadan tapno dagos a madesisyonan nu i-clearda ti bise presidente wenno i-convict da daytoy.
Innayonna pay nga aramatenda dagiti daduma a pamaya-an kas iti social media, press, ken dadduma pay ngem saanda kuma nga aramaten ti mannarimaan a hearing para iti bukod da nga isyu.
Iti udi na, nagdesisyon ni presiding officer Chiz Escudero a matalantan dagiti dadduma nga isyu iti sesyon ti senado ken saan nga iti agdama nga impeachment hearing.
Manamnama met nga iti panagtuloy ti impeachment hearing, pagbobotosan dagiti senator-judges nu patganda ti kiddaw ti House prosecution a luktan ti BIR box a maibagbaga a naglaon iti napapateg a dokumento kas iti income tax record a mabalin nga agserbi kas ebidensiya kontra iti bise presidente. //bombokaren.c.sapirao
