Inmapela ni Senator-Judge Robin Padilla iti House Prosecution panel a saanda nga agbalin a “one-sided” iti mannarimaan nga impeachment trial ni VP Sara Duterte.
Daytoy ket kabayatan iti panangtalantan iti kredibilidad dagiti testigo nga inpasango ti prosekusyon.
Dinakamat daytoy ni Sen. Padilla kalpasan iti panagsinnungbatda kenni House Lead Prosecutor Gerville Luistri seknan iti kwalipikasyon dagiti testigo ti prosekusyon, pakairamanan da National Bureau of Investigation (NBI) Senior Agent Mark Calilung ken NBI Regional Director Jeremy Lotoc.
“Sana hindi one-sided ang ating prosecution,” sigun kenni Padilla, rason tapno anawaen ni presiding officer Senator-Judge Francis “Chiz” Escudero dagiti ada iti uneg ti ada iti uneg ti impeachment court gapu iti reaksyon dagitoy iti insawang ti senador.
Sakbay daytoy, kinuwestionaran ni Padilla ti kredibilidad ti self-proclaimed a miyembro ti Davao Death Squad (DDS) ken sigud a police officer a ni Arturo Lascañas.
Sigun kenni Sen. Padilla, ti agbaliw-baliw nga statement ni Lascañas seknan iti pakainaigan ni sigud a President Rodrigo Duterte iti extrajudicial killing ket mangipakita a saan daytoy a mangibagbaga iti pudno.
Kagidan dayta, kinidaw ni Sen. Padilla iti prosekusyon a liklikanda ti mangipasango kadagiti testo nga ada iti sangsangwenda a kaso kas kada Lotoc ken Calilung.
Sinmungbat met ditoy ni Luistro no sadino kinunana a napaneknekan ti prosekusyon a posible nga awan ti kaso dagiti nagserbi a testigo. Innayona pay a saan a basaran ti conviction tapno madisqualify ti maysa a testigo malaksid laeng nu daytoy ket naipinalen, addan ti naipataw a pannusa ken ada ti pakainaiganna iti moral turpitude.
Ditoy manen nga inyunay-unay ni Sen. Padilla ti insawangna a saan kuma nga agbalin a ‘one-sided’ ti proseso.
Naaddaan manen ti reaksyon dagiti spectators iti uneg ti senate court, rason tapno kinidaw manen ni presiding officer iti urnos iti uneg ti korte.
Iti udi na, inlawlawag ni Padilla a ti kayat a sawen ti insawangna ket saan a tapno ada ti ayunan na nu di ket kayatna nga iyunayunay ti kinapateg ti patas a panagkita iti buo a proseso ti impeachment. //bombokaren.c.sapirao
