Saan nga ik-ikaten ti kampo ni Senador Loren Legarda ti posibilidad nga agawid ti senadora iti pagilian ken makinayun iti majority bloc ti senado.
Sigun iti spokesperson ni senadora a ni Tony La Viña, normal iti senado ti panagbaliw iti benneg, nangnangruna ta uppat metten a senate president ti nagsisinublat iti puesto iti las-od ti uppat a tawen.
Impetteng metlaeng La Viña a saanen a nakaskasdaaw nu maiwaragawag a nakikoordinar ni Legarda kadagiti dadduma a senador, gapu ta nasayaat met ti relasyonna kadagiti kakaduana iti senado.
Kabayatanna, inyunay-unay ni La Viña a saan a konektado iti impeachment proceedings ti panag-ruar ti senadora iti pagilian a Pilipinas.
Maipalagip a naka-medical leave ni Legard manipud Agosto ken ti maudi nga extension ti leave daytoy ket napetsaan nga Oktobre 9.
Kagiddan daytoy ti pannakaisayangkat ti imbestigasyon ti Ombudsman kontra kenkuana seknan iti maatap a pakainaiganna iti maatap a multibillion-peso solar energy anomaly kadua ti anakna a ni Representative Leandro Leviste.