Immanugot metten ni Senator Rodante Marcoleta iti immunan nga indiaya ti Philippine Bar Association a mangi-facilitate ti public debate iti nagbaetanda kenni Supreme Court Associate Justice Antonio Carpio maipanggep ti West Philippine Sea.
Sigun iti senador, nakasagana daytoy anyaman nga oras ngem kinunana nga awan kuma ti limitasyon dagiti topiko iti nasao a debate.
Innayonna pay a maikat kuma ti limitasyon dagiti mapagsaritaan tapno ag-benepisyo dagiti Pilipino iti nasao debate.
Sigun gamin kenkuana, nalawa ti saklawenna nu West Philippine Sea ti mapagsasaritaan.
Maipalagip nga indiaya ti Philippine Bar Association nga agi-facilitate ti maysa a public debate iti nagbaetan da Senator Rodante Marcoleta ken Supreme Court Associate Justice Antonio Carpio maipanggep iti West Philippine Sea.
Immuna meten nga immanugot ditoy ni Supreme Court Associate Justice Antonio Carpio.
Sigun iti nasao nga asosasyon, mangipaayda met laeng kadagiti professional moderators nga addaan iti naan-annay a pannakaammo seknan iti nasao nga isyu.
Innayonda pay a nu maisayangkat ti nasao a debate, mailukat daytoy kadagiti accredited media outlets ken livestreaming. //Bombo Karen Calpoe Sapirao
