Inyunay-unay ni Senator Robin Padilla nga awan ti kabusorna iti Senado ken impettengna a saan nga agbirbiruk iti gulo.
Iti social media post ti Senador idi June 04, kinunana a kasilpo ti pammati ti kablaawna kadagiti amin a padana a miembro iti plenario, uray dagiti naggapu kadagiti kinunana a “kontra partido”.
Innayon ti Senador a ti panagraemna iti amin ket namnamaena met ti respeto dagitoy.
Impettengna a ti senado ket lugar para iti debate ken dadduma pay.
Sigun pay iti senador, simbolo ti demokrasya ti mapaspasamak nga isyu ken panagsisinnungbat iti Senado.
Kamaudianna, kinunana a saan daytoy a hues tapno makikomunikar kadagiti pangngeddeng maipapan iti isyu no siasino ti umno ken saan.
Inyunay-unay ni Padilla a maysa daytoy a muslim ken katutubo no sadino, saan a karaman iti pammati ken sinapataanna nga akem ti gulo ken ti pannaki-apa.
Maipalagip a pinilaan ti Philippine National Police-Criminal Investigation and Detection Group (PNP-CIDG) ni Padilla iti obstruction of justice gapu iti maatap a manangilibasna iti pugante a ni Senator Ronald “Bato” dela Rosa manipud iti Senado.
