Impaganetget ni Senator Ronald “Bato” dela Rosa nga aramidenda ti kabaelanda tapno maprebentaran ti pannakarestar daytoy.
Sigun kenni dela Rosa, kasapulan nga aramidenda ti amin a legal nga addang tapno saan a maiturong sadiay The Hague, Netherlands.
Nangipila metten ti kampo ni dela Rosa iti baru a manifestation iti Supreme court para iti dagus a judicial protection.
Impanamnama ti Senador a makipaset iti session ti senado ken urayennda ti sungbat ti Korte Suprema.
Mangnamnama ken ikarkararag ni dela Rosa nga ipaulog ti Korte Suprema ti temporaryo a restraining order para kenkuana.
Kabayatanna, impaganetget ti Senador a saan nga umikkat iti Senado ken agtalinaed iti opisina ni Senator Jinggoy Estrada.
Impakaammo ti daytoy a naglemmeng iti Luzon, Visayas ken Mindanao kadagiti aldaw a saan a sinumsumrek iti senado.
Maipalagip nga idi kalman laeng a sinumrek ni dela Rosa iti Senado sipud pay idi Nobiembre 11, 2025, kalpasan nga inwaragawag ni Ombudsman Jesus Crispin Remulla a nangipaulog ti ICC iti warrant of arrest kontra kenkuana.