Inyunay-unay ni Executive Secretary Lucas Bersamin nga awan ti maris politika no makaawatda iti Warrant kontra kenni Senator Ronald “Bato” dela Rosa manipud iti International Criminal Court (ICC) kas co-perpetrator ni sigud a President Rodrigo Duterte iti kaso ti crimes against humanity.
Inlawlawag ni Bersamin a karaman paylaeng ti pagilian iti Interpol isu’t gapuna a mabalin maipatungpal ti warrant of arrest nga ipaulog ti ICC la kitdi, naipadalan iti Interpol.
Nupay kasta, awan paylaeng ti naawat dagitoy a warrant of arrest kontra kenni dela Rosa.
Kabayatanna, impetteng ti nasao nga opisial a ti naaramaid a pannakaarestar ni sigud a President Duterte ket panangtungpal iti Republic Act No. 9851, wenno “Philippine Act on Crimes Against International Humanitarian Law, Genocide, and Other Crimes Against Humanity.
Malaksid iti dayta, impeksa ni Bersamin a patas dagitoy ken saanda nga agaramid iti napolitikaan a motibo.
Maipalagip a ni Bersamin, Justice Secretary Jesus Crispin Remulla ken Agrarian Reform Secretary Conrado Estrella III ti dinutukan ni President Ferdinand Marcos Jr. a caretakers iti gobierno ti pagilian bayat nga adda sadiay United States para iti official visit daytoy.
