Inawagan ni Senator-judge Raffy Tulfo a nagbalin a maag iti nagan ti “blind loyalty” ni sigud nga special disbursing officer ti Office of the Vice President (OVP) a ni Gina Acosta.
Daytoy ket kalpasan a kinuwestionaran ti senador ni Acosta no ikonkonsiderana ti bagi-na kas “smart, average, wenno stupid” iti maika-17 nga impeachment trial ni VP Sara Duterte idi Agosto 24.
Sigun kenni Acosta, ibilbilang-na ti bagina nga “average”.
Nupay kasta, impaganetget ni Tulfo a ti maysa nga ordinario a tao ket agdudua iti kanito a maipaay ti listaan dagiti informants nga addaan kadagiti naisangsangayan a nagan a kas iti “Belat”, “Pagong”, ken “Pusa”.
Innayun ti Senador a malaksid iti naisangsangayan a nagan, maymaysa laeng ti pirma dagiti informants.
Kabayatanna, maasian ti Senador-Judge kenni Acosta agsipudta patienna a saan a kurap ken awan ti pakainaiganna iti isyu seknan ti confidential funds.
Impaganetget ni Tulfo a nasakit a panunoten nga adda ti korap a tao bayat a bakbaklayen ni Acosta ti nadagsen a pammabasol.