--Ads--
BAGUIO CITY – Malamlamayan ita ti maysa a senior citizen kalpasan a nagaburan iti nargaay a daga sadiay Barangay Sabnangan Luba, Abra idi kalman ti rabii.
Nabigbig daytoy a ni Revelino Budada Emilio, agtawen 82 ken residente ti Sitio Pega, Poblacion, Luba, Abra.
Iti report ti pulisya, alas nuebe ti rabii idi nakaawatda ti report seknan iti nasarakan a bangkay iti kataltalunan.
Naduktalan a nasapa a rimwar ti biktima iti pagtaenganna tapno agtalon ngem saanen a nakaawid.
Gapu iti daytoy, sinapulda ni Emilio agingga a nasarakanda ti bagina a nagaburan ti daga.
Naamoan nga agkalkali ti biktima iti talon idi aksidente a nargaay ti daga a nangitunda iti ipupusay daytoy.
