BAGUIO CITY – Malamlamayan ti maysa a lalaki a senior citizen kalpasan ti panakalmesna iti Abra river sadiay Palang, San Quintin, Abra.
Nabigbig daytoy a ni Marino Palomares Tipon, 73-anyos ken residente ti San Pablo, Sto. Domingo, Ilocos Sur.
Sigun iti maysa a kabagyan ti nasao a senior citizen, addaan daytoy mental illnes ken manarimaan a maipapasidong daytoy iti medication.
Kinumpirma ni PLt. Julius Akay, Deputy Chief ti San Quintin Municipal Police Station nga awan ti foul play iti nasao nga insidente.
Kinunana nga awan ti dunor a nasagrap ti nasao nga indibidual ken pimmusay gapo iti panakalmesna.
Kagiddan iti daytoy, agpalpalagip dagiti otoridad iti panagannad dagiti tattao iti panagpagnada wenno panagballasiwda kadagiti karayan.
Dinakamatna a nasken pay a bantayan a nalaing dagiti kabagyan dagiti addan mental illness tapno maliklian ti panaka-aksidente dagitoy.
