Senior Deputy Executive Secretary Atty. Hubert Dominic Guevara, pimmusayen

Impeksa ti Office of the President ti panakiladingitda kalpasan ti ipupusay ni Securities and Exchange Commissioner ken sigud a Senior Deputy Executive Secretary Atty. Hubert Dominic Guevara ita nga aldaw.

Sigun iti Office of the President, dakkel ti impaay a dedikasyon ken serbisyo ni Guevara para kadagiti Pilipino gapu iti dayta, agnanayon daytoy iti memorya ken puso dagiti tattao.

Kinuna met ni Interior and Local Government Secreary Benhur Abalos a ni Guevara ket maysa a pudno a public servant.

Maipalagip a ni Guevara ket nagserbi kas Director ti Securities and Exchange Commission Compliance and Enforcement Department idi tawen 2004.