--Ads--
Indeklara ni President Ferdinand Marcos Jr. ti Sitiembre a tres kas National Mourning day gapu iti ipupusay ni Manlilikha ng Bayan wenno National Living Treasure a ni Federico Caballero.
Sigun kenni President Marcos, ti ipupusay ni Caballero ket dakkel a pannakapukaw ti pagilian ken maitutop a padayawan ti naisangsangayan a panagkumitna iti pannakapreserba ti Panay-Bukidnon cultural and artistic heritage.
Maipalagip a nabigbig ni Caballero kas epic chanter ken pimmusay daytoy idi Agosto diese siete iti agdama a tawen, iti tawenna a walo pulo ket walo.
Inpakaammo ti National Commission for Culture and the Arts ti ipupusay daytoy babaen iti social media.
