BAGUIO CITY – Manamnama a mapapintas pay ti serbisyo ti Bontoc General Hospital (BoGH) kadagiti pasyente ti COVID-19 gapu iti kanayunan nga isolation beds ken medical equipment.
Sigun kenni DOH-Cordillera Regional Director Dr. Ruby Constantino, dumanon iti P9 million ti pondo a maipaay para iti kanayonan nga isolation beds ken dagiti nadumaduma a kagawaan ti ospital nga ospital a masarakan sadiay Bontoc, Mountain Province.
Kinunana pay a ti pannakaipaay ti pondo iti ospital ket nainayun iti National Expenditure Program 2021 no sadino, P3 million ti nailatang iti BoGH bayat a tig-P1 million a gatad ti medical equipment ti maawat dagiti dadduma nga ospital.
Innayonna a dumanon met iti P5 million ti pondo a mailatang iti Temporary Treatment and Monitoring Facility ti Mountain Province manipod iti Bayanihan 2.
