Maiparekep ti Session Road iti vehicular traffic, tunggal Dominggo ita a bulan ti Oktubre para iti pannakaipatungpal dagiti nagduduma nga aktibidad.
Gapu iti daytoy, immunan a nangipayulog ni Baguio City Mayor Benjamin B. Magalong iti Executive Order No. 102 series of 2024 para iti pannakairekep ti nasao a kalsada mangrugi iti alas kwatro ti parbangon agingga iti alas syete iti rabii.
Dagiti aktibidad ket pakairamanan ti pannakarambak ti Local Government Month, National Cooperative Month, Baguio Korean Day, ken ti Baguio Cosplay Festival.
Agserbi met ti City Administrator’s Office – Tourism, Culture, and Arts Division kas primary coordinator para kadagiti nasao nga aktibidad.
Kabayatanna, nakasaganan metten dagiti personnel iti Baguio City Police Office para iti panangimando iti traffic management plan, seguridad ken dadduma pay.
