Indeklara iti city government iti Baguio kas Community Service Day ti Septiembre 25 no sadino nabilin dagiti nagduduma nga opisina a makipaset iti nasao nga aktibidad a mangipaay iti serbisyo kadagiti residente ken mapasayaat dagiti public spaces iti siudad.
Sigun kenni Baguio City Mayor Benjamin Magalong, ti Executive Order 131-2026 ket mangibilbilin ti pannakaipatungpal kadagiti nagduduma nga aktibidad mangrugi iti alas-otso iti agsapa kas paset iti selebrasyon ti Brand of Excellent, Extraordinary and Zealous Employees (BREEZE) Awards ken 117th Charter Day no sadino rumbeng nga ada ti paset dagiti city offices tapno makipartisipar kadagiti community services iti Central Business District ken sumagmamano nga identified areas.
Sigun pay kenni Mayor Magalong, panggep ti direktiba nga itantandudo ti panagkaykaysa, panagsboluntario ken bayanihan, no sadino imbinglayna a maysa kadagiti core values dagitoy ti epektibo serbisio publiko.
Innayonna pay a panggep ti Community Service Day a maitandudo ti civic consciousness, public service ken community involvement.// Bombo Khey
