Impeksa ni Australian Prime Minister Anthony Albanese ti panagkondenarna iti napasamaka a pammaltog iti Bondi Beach ken inawaganna daytoy nga “act of evil antisemitism” a panggepna a dangran dagiti kameng ti Hudyo idiay Australia.
Ti insidente ket napasamak bayat a ramrambakan dagiti Hudyo ti Hanukkah wenno “Pasko ng Pag-iilaw,” nu sadinno nangitunda iti buteng para kadagiti Jewish community idiay Australia.
Pinabasol ni Israeli Prime Minister Benjamin Netanyahu ken dagiti dadduma pay nga opisial ti Israel ti gobierno ti Australa iti saan nga umdas a panangrisut kontra iti kumarkaro nga “antisemitism” iti nasao a pagilian.
Kinumpirmar metlaeng dagiti otoridad a ti panangpalpaltig ket maysa a terorista a panagatake, ngem saan a nalawag ti bilang dagiti suspek ken ti pudno a motibo.
Iti sabali a bangir, saan pay nga inruar dagiti otoridad ti pakabigbigan dagiti biktima tapno maipaayan ti raem dagiti pamiliada.
Sigun kenni NSW Police Commissioner Mal Lanyon, mangisaysayangkat ita ti pulisia ti nainget nga imbestigasion ken kidkiddawenda iti publiko a saan nga agiwaras iti saan a pudno nga impormasion seknan iti insidente.
Agtultuloy met dagiti kiddaw dagiti otoridad a saan a mangibinglay kadagiti graphic video manipod iti insidente iti internet.
Mainaig iti daytoy, nabutngan ti Jewish community idiay Australia nu sadinno, dagiti sumagmamano kadagitoy ket kayatda nga umakar iti lugar.
