Nainget a kinontra ti Malacañang Palace ti alegasion ni sigud a Bicol Partylist Rep. Zaldy Co kontra kenni President Ferdinand Marcos Jr.
Sigun ken ni PCO Secretary Dave Gomez, awan ti nakaibatayanna dagiti alegasion kontra iti Presidente.
Impaganetget ni Gomez a ti Presidente, mismo ti nangibutaktak kadagiti iregularidad ken nangaramid kadagiti addang tapno masungbatan dagiti nairaman, maala ti aniaman a napukaw a pondo, ken matarimaan ti sistema tapno saan a maulit.
Ginuyugoy met ni Gomez ni Co nga agsubli iti pagilian ken isapatana iti sanguanan dagiti otoridad ti amin a kinunana.