Patien ni Interior and Local Government Secretary Jonvic Remulla nga adda iti rehion Cordillera ni sigud a Bureau of Corrections (BuCor) Chief Gerald Bantag.
Sigun kenni Remulla, daytoy ti kaudian nga impormasion a naawatda seknan iti lokasion ni Bantag.
Gapu iti dayta, adda ita dagiti tracker team iti rehion a mangbirok iti sigud a dadaulo ti BuCor.
Impetteng ni Remulla a narigat ti rehion agsipudta, malaksid nga adu ti kabakiran, adu metlaeng dagiti kaykayo a nakalinged.
Daytoy ti maysa kadagiti rason a saanda a makaaramat iti drone.
Kabayatanna, kitkitaen dagiti otoridad ti dadduma a wagas tapno masukimat dagiti posible a lokasion ni Bantag.
Maipalagip nga idi Abril 2023, imbilin ti korte ti Muntinlupa ti pannakaarestar ni Bantag mainaig iti pannakatay ni Jun Villamor, ti maipagarup a middleman iti pannakapapatay ti broadcaster a ni Percy Lapid idi Oktubre 2022.
Nainget met a pinaglibakand daytoy ni Bantag.
