--Ads--
Inyunay-unay ni Justice spokesperson Polo Martinez a saan a teknikal nga inaresto dagiti otoridad sadiay Czech Republic ni sigud a Congressman Zaldy Co.
Sigun kenni Martinez, na-restrained ni Co gapu iti posible a panaglabsing kadagiti pagannurotan ti immigration.
Inlawlawag ni Martinez a ti napasamak kenni Co ket kapada ti insidente kadagiti airports no sadino, pinagkedkedan ti immigration ti panagserrek ti maysa a pasahero.
Kabayatanna, immuna metten a kinuna ni Palace Press Officer Undersecretary Atty. Claire Castro nga awan ti dinakamat ni President Ferdinand Marcos Jr. a naarestar ni Co.
Sigun kenni Castro, kinuna ti presidente nga adda iti kustodiya ti Czech Republic ni Zaldy Co gapu iti kinakurang ti umno a dokumento.
