Nawayawayaan itan manipud iti kustodia dagiti otoridad ti sigud a kameng ti Comminist Terrorist Group iti sidong ti New People’s Army (NPA
Maibasar iti report a naisubmitir iti Baguio City Police Office, bulontario a simmuko ti 57-anyos a lalaki ken pagaammo iti nagan a Delio kadagiti otoridad idiay Barangay Irisan, Baguio City.
Karaman ni Delio iti narakrak a Kilusang Larangan Guerilla (KLG) idi tawen 2003 ken nagserbi a contact sadiay Gumhang, Tinoc, Ifugao sakbay a nayakar iti Kilusang Larangan Guerilla (KLG) AMPIS idi 2018.
Nag-operate ti grupo dagitoy sadiay Ifugao, Mountain Province, ken iti siudad ti Baguio agingga idi Hunio iti agdama a tawen.
Karaman iti insumbmitir ni Delio ti .45 caliber handgun, sumagmamano a live ammunition ken maysa granada.
Iti agdama manarimaan ti pannakaipalistana iti DILG-Administered Package of Assistance babaen ti Enhanced Comprehensive Local Integration Program (E-CLIP).
