--Ads--
Pimmusay ni sigud a Department of Education (DepEd) Officer-in-charge Secretary Dr. Fe Hidalgo itay kanikadua.
Maibasar iti statement ti Department of Education, makiladladingitda iti pamilya ken kabagyan ni Hidalgo.
Kanayunanna, binigbig ti nasao a departamento ti dedikasyon ni Hidalgo iti sektor ti edukasyon nangruna ket nagserbi daytoy iti las-od ti pito pulo a tawen.
Maipalagip nga immuna ti karera daytoy kas maysa a maestra idi tawen 1956 ken nadutukan kas Officer-in-charge secretary idi tawen 2005 babaen kenni sigud a President Gloria Macapagal-Arroyo.
