Nangipila ni sigud a Department of Finance undersecretary Cielo Magno ita nga aldaw ti reklamo a cyber libel kontra kenni blogger Sass Rogando Sasot gapu iti panangakusarna iti “malicious imputations and wrongs.”
“Today, I filed a criminal complaint against Sass Sasot for the crime of cyberlibel. Like many others, I have been the subject of malicious imputations and wrongs by Ms. Sasot.”
Former Department of Finance undersecretary Cielo Magno
“It’s time to push back and to use all the legal remedies that are available to us to put an end to this display of impunity.”
Ni Magno ken Sassot ket nagsuppiat iti online manipud pay idi napalabas a tawen maipapan iti panangbabalaw ti panagaramat ti confidential fund ni Vice President Sara Duterte.
Sigun kenni Magno, maysa kadagiti nangiduron kenkuana a mangipila ti reklamo ket gapu iti post ni Sassot idi Pebrero 6 a nakalanad nga, “Sa sobrang galit ni Cielo Magno kay Mary Grace Piattos, binigyan nya ng ilang bilyon mga Congressman para hanapin ito. Economics prof nga. May demand. May supply.”
Namnamaen ni Magno a ti kaudian nga inaramid ni Sassot ket mangisubli iti “civility” ken mangrugi iti dalan nga agturong iti “accountability” ken “good governance.”
