Kinumpirmar ni Philippine Ambassador to the US Jose Manuel Romualdez a nagkiddaw ni sigud a Department of Public Works and Highways(DPWH) Secretary Manuel Bonoan iti panakailaylayon ti panagtalinaedna idiay Estados Unidos iti katengngaan ti imbestigasyon seknan kadagiti naanomalyaan a flood control projects iti pagilian.
Sigun kenni Romualdez, saan nga aglemlemmeng ni Bonoan ken iti agdama ket agtaltalinaed daytoy idiay California bayat nga agpatpataming ti asawana gapu iti parikut daytoy iti mata.
Kagiddan ti panagkiddaw ni Bonoan iti pawayway ket ti panangikarina nga agsubli daytoy iti Pilipinas inton February 15 tapno sumango ken makitinnulong iti imbestigasyon maipapan kadagiti naanomalyaan a flood control projects iti departamento a sigud nga indauloanna.
