Inwaragawag ti Philippine National Police (PNP) a nagkarasukos ken saan a naiduron daydi sigud a DPWH Undersecretary Ma. Catalina Cabral.
Daytoy ti kinuna ti nasao nga ahensia, kasaruno ti naiparang a three-dimensional wenno 3D scan a naisayangkat tapno maduktalan ti rason iti ipupusay ni Cabral.
Sigun kenni ni PNP Forensic Group officer-in-charge Col. Pierre Paul Carpio, nasarakan ni Cabral iti 0.2 a metro ti kaadayona iti igid ti rangkis.
Manipud daytoy iti agarup 16.9 a metro ti kangatona a rangkis sadiay Camp 4 Tuba, Benguet.
Innnayon ni Carpio a no naiduron daytoy, adayo ti posible a pakatnagan ni Cabral.
Nasarakan metlaeng dagiti gasgas iti ima ken likod ti biktima no sadino, indikasion daytoy iti posible a panagkarasukos ni Cabral.
Maibasar iti autopsy report, pimmusay ni Cabral iti nagbaetan ti 3:00 ken 5:00 pm idi Disiembre 18, gapu iti “blunt traumatic injuries”.
Kabayatanna, innayon ti PNP a dagiti postmortem fingerprints manipud iti bangkay ni Cabral ken dagiti computer-generated fingerprints manipud iti National Bureau of Investigation (NBI) ket agpada.
Agtultuloy pay laeng ti imbestigasion dagiti otoridad iti insidente tapno maammuan dagiti pundo a napasamak iti likodan ti ipupusay ti sigud nga opisial ti DPWH.
