--Ads--
BAGUIO CITY – Nakemmeg ti maysa a maibilbilang a high value individual ken maysa a newly-identified drug personality iti buy-bust operation sadiay Tuliao, Calanan, Tabuk City, Kalinga.
Nabigbig ti sigud a drug surrenderee a ni Johnny Tomas Isidro, 30-anyos, beautician at residente ti Purok Datu, Bulanao Norte, Tabuk City bayat a nabigbig ti baro a drug personality a ni Alchan Moldero Baliling, 19-anyos, baro ken residente ti Banneng, Caladcad, Tabuk City.
Nakumpiskar kadagitoy ti dua a pakete ti maatap a shabu bayat a narekober ti naaramat a buy-bust money.
Sumangsango metten dagiti dua iti kaso a panaglabsing iti RA 9165 wenno ti Comprehensive Dangerous Drugs Act of 2002.
