BAGUIO CITY – Nakemmeg ti maysa a drug personality a maibilbilang kas top ten regional level drug personality iti probinsya ti Abra babaen iti buy-bust operation sadiay Sitio Lublubnac, Barangay Tabiog, Bucay, Abra.
Nabigbig daytoy a ni Tony Fred Bucayo Banatao, 38 anyos ken residente ti Barangay Saccaang, Sallapadan, Abra.
Iti naisayangkat nga operasyon, naala manipod kenkuana ti maysa a plastic heat-sealed transparent a naglaon iti white crystalline substance wenno mapapati a shabu nga agdagsen iti 5.22 grams ken addaan iti street value a P35, 360.00
Malaksid iti dayta, naala pay manipod kenkuana ti kanayunan a maysa a heat sealed transparent plastic sachet a naglaon iti maatap a shabu nga agdagsen iti 5.34 grams ken addaan iti street value nga aggatad iti P36, 312; buy bust money; selpon ken motorsiklo a naaramat iti transaksyon
Maibasar iti report ti pulisya, naamuan a ni Banatao ket maysa a drug surrendered iti Sallapadan MPS idi Hulio 10, 2016.
Sumango met daytoy iti kaso a panaglabsing iti RA 9165 wenno Comprehensive Dangerous drugs act of 2002
