Agnanayon a naparitan iti University Athletic Association of the Philippines (UAAP) ti sigud a head coach ti Ateneo a ni Tab Baldwin.
Maiparit metlaeng ti iseserrek ti four-time UAAP champion iti aniaman a lugar ti kompetision ti UAAP kas maibasar iti desision.
Malaksid iti dayta, nasuspinder ti walo a team staff nga indauluan ni manager Epok Quimpo.
Daytoy ket gapu paylaeng iti ipupusay ti Blue Eagles Rene Baterbonia ken Divine Adili idi Hunio 8 sadiay Dipaculao, Aurora.
Inruar ti UAAP Board ti desision dagitoy idi Agosto 07, dua a bulan kalpasan ti pannakalmes dagiti dua nga atleta.
Imbasar ti board ti pangeddengda iti internal investigation, bukod nga imbestigasion ti Ateneo, ken dagiti opisial a report ti Philippine National Police – Criminal Investigation and Detection Group (PNP-CIDG) ken ti National Bureau of Investigation (NBI).