Inkeddeng iti House of Representatives nga ipaayan ni sigud a House speaker ken Davao del Norte 1st district Representative a ni Pantaleon Alvarez iti Censure kas dusa, gapu iti disorderly behavior, mainaig iti panangawagna iti Armed Forces of the Philippines nga ibaw-ingda ti suportada kenni Presidente Ferdinand “Bongbong” Marcos Jr.
Kasaruno daytoy iti inparangarang ni Camiguin Representative Jurdin Jesus Romualdo ken Paul Daza iti Northern Samar a maipaayan ni Alvarez iti Censure a pannusa imbes nga innem a pullo nga aldaw a suspension.
Gapu iti daytoy, naangay ti butos no sadino naikeddeng a maipaayan ni Alvarez iti Censure a pannusa, babaen iti butos a sangagasut walo pulo ket innem a pabor, limma ti kontra ken pito ti abstension, no sadino maisalungasing iti rekomendasion iti House Commitee on Ethics nga ipaayan ni Alvarez iti innem a pullo nga aldaw a pannakasespende.
Maipalagip nga immunan nga inwaragawag ni Felimon Espares, chairperson iti House Commitees nga inrekomendar iti Commitee iti House of Representatives ti panakaipaay iti innem a pullo nga aldaw a pannakasuspende ni Alvarez gapu iti panaglabsingna kadagiti pagannurotan ti Kamara, partikular ti Section 141 Paragraph A ti code of conduct.
Nupay kasta, naangay babaen iti butos ti maipaay a dusa kenni Alvarez, no sadino naipaulog iti nalaglag-an a dusa iti panangbabalaw iti sigud a House speaker a ni Alvarez.
