Kinumpirmar ti Bureau of Immigration (BI) a nakapanawen iti pagilian ni sigud a House Speaker Lord Allan Velasco.
Subject ti National Bureau of Investigations (NBI) ni Velasco iti imbestigasyon seknan iti alegasyon ti sigud a security aide daytoy a ni Rodulfo Gracioso Jr.
Karaman kadagiti alegasyon ni Gracioso Jr. ti panangitulodna iti nakamaleta a kuarta kenni Vice President Sara Duterte, sigud a President Rodrigo Duterte ken Davao City Repsentative Paolo Duterte.
Iti agdama, awan paylaeng ti naipaulog a hold departure order wenno dadduma a derogatory record tapno maprebentaran ti panagikkat ni Velasco iti pagilian.
Immuna a kinuna ni NBI Director Melvin Matibag nga immikkat ni Velasco iti pagilian idi Agosto 30 ken saan paylaeng a nagsubsubli iti baet a naituding iti Setiembre 14 ti panagawidna iti Pilipinas.
