--Ads--
Nakasagana ni sigud a House Speacker ken Leyte 1st District Rep. Martin Romualdez a sumango iti preliminary investigation nga isayangkat ti Office of the Ombudsman seknan iti naanomalyan a flood control projects iti pagilian.
Sigun iti abogado ni Romualdez a ni Atty. Ade Fajardo, sungbatan ti kongresista ti amin nga alegasyon kontra kenkuana.
Nupay kasta, kidkiddawena laeng ti patas a proseso.
Impeksa ni Atty. Fajardo nga awan ti panggep ni Romualdez nga umikkat iti pagilian ken ituloyna a takderan ti karbenganna kas Kongresista ti 1st District ti Leyte.
Kagiddan daytoy, impaganetget ti kampo ni Romualdez nga awan ti abidensiya a mangpaneknek seknan iti pakainaigan ti kongresista iti iregularidad ti flood control projects iti pagilian.
