BAGUIO CITY – Pimmusayen ti sigud a kongresista ti probinsia ti Benguet ni Atty. Samuel Martin Dangwa idi kalman kalpasan ti panagsagabana iti komplikasyon ti nabayag a sakit daytoy.
Agtawen daytoy iti 84.
Nakamassayag ita ti bangkayna iti pagtaenganda sadiay Cruz, La Trinidad, Benguet agingga inton Abril 8.
Maiyawid ti bangkay ti sigud a kongresista sadiay Cadtay, Paykek, Kapangan inton Abril 9 ken maitabon sadiay inton Abril 11.
Lima a termino a nagserbi daytoy kas kongresista ti Benguet partikular idi 1987 agingga 1995 ken idi 2001 agingga 2010.
Nagserbi pay ti pimmusay nga abogado kas bise-gobernador ti Benguet idi 1972 agingga 1980 ken kas Assemblyman ti probinsia iti Regular Batasang Pambansa idi 1984 agingga 1986.