Imbutaktak ti sigud a miembro ti Kingdom of Jesus Christ no sa kasano ti panangbaonda kadagiti ubbing tapno maurnong ti quota dagitoy a P15 million para iti paskua.
Sigun kenni Teresita Valdehueza maysa kadagiti source ti pundo ti nasao a simbaan ket ti panagcarolingda tunggal paskua no sadino kasapulan a makipaset dagiti amin a miembro iti daytoy.
Kinunana a marigrigatan dagiti miembro iti panagcaroling ken panagsolicate iti nagduduma a pagilian no sadino dadduma pay kadagitoy ket pimmusay gapu iti aksidente, dadduma pay ket naibalud bayat a dagiti dadduma pay ket narames ngem saanda a patien daytoy.
Impetteng ni Valdehueza a nakaquota met daytoy iti P10 agingga P15 million gapu iti panang-organisarna iti nationwide caroling tapno laeng magun-odda ti quata dagitoy.
Inaklonna pay a nerecruite ken naparigat dagiti ubbing manipud Mindanao ken Visayas tapno agcaroling kadagiti nagduduma a probinsay iti Luzon parikular kadagiti siudad iti National Capital Region.
Innayonna a tapno laeng magun-odda ti quata dagitoy para iti paskua ket ag-absent dagiti estudayante iti nasapsapa iti bulan ti Nobyembre tapno ipangpangruna ti kasapulan ti simbaan dagitoy.
Malaksid iti dayta, adda pay dagiti love offerings a kasapulan a magun-od dagitoy ken dadduma pay.
