--Ads--
BAGUIO CITY – Pimmusay ti sigud a Miss Bangued bayat nga adda iti kritikal a kondisyon ti kadwana kalpasan a naaksidente ti motorsiklo dagitoy San Antonio, Bangued, Abra idi rabii kalman.
Pimmusay ni Cristina Bersalona, 30-anyos, balasang, PNP-NUP personnel ti Abra Police Provincial Office ken residente ti Bañacao, Bangued, Abra bayat a matamtaming daytoy iti ospital sadiay San Fernando, La Union.
Nabigbig met ti nadangran a ni Jerome Blanes, 26-anyos, midwife, residente ti Bañacao, Bangued, Abra ken ita ket matamtaming iti pagagasan sadiay San Fernando, La Union.
Naamuan a ni Blanes ti mangimanmaneho iti motorsiklo bayat a backrider ni Bersalona.
Iti agdama, agtultuloy ti imbestigasyon ti pulisya iti napasamak nga insidente.
