Impakaamo ni Sandra Abaño Martinez-Cam a pimmusayen ti ina daytoy a ni sigud a Philippine Charity Sweepstakes Office (PCSO) board member ken whistleblower Sandra Cam idi kalman.
Daytoy ket iti edadna a 64.
Sigun kenni Martinez-Cam, ni Cam ket napadayawan iti nagduduma a pammadayaw kas iti “Dangal ng Bayan” ken ti “Natatanging Filipina na Sumusulong sa Pagtulong at Paglaban sa Korapsyon” gapu iti dedikasyonna a manglaban iti korapsyon.
Maipalagip nga idi tawen 2020, simmango ni Cam iti kaso a murder para iti panakapapatay ni Masbate Vice Mayor Charlie Yuson III ngem daytoy ket nadismiss idi tawen 2023.
Malaksid iti dayta, inaklon ni Cam a daytoy ket paset ti jueteng ngem nagbalin daytoy a whistleblower idi tawen 2005 gapu iti panangibutaktakna kadagiti mapaspasamak a korupsyon iti lotto ken kadagiti politiko iti pagilian.
Ito administrasyon ni sigud a President Rodrigo Duterte, daytoy ket nadutukan kas Philippine Charity Sweepstakes Office board member.
