--Ads--
Nagsapatan ni sigud a Philippine National Police chief Rodolfo Azurin ita nga aldaw kas baro nga special adviser ken imbestigador iti Independent Commission for Infrastructure (ICI).
Nagsapata daytoy iti sanguanan ni Court of Appeals Associate Justice Pedro Corales ken kadagiti kameng ti independent commission a nabukel a mangimbestigar iti mapapati a naanomalyaan a flood control projects.
Sinukatan ni Azurin ni Baguio City Mayor Benjamin Magalong a bimmaba iti puesto kalpasan nga imbaga ti Malakanyang a kinuna ni President Marcos Jr. nga adalen ti legal team ti pannakadutok daytoy nu umno metlaeng.
Impablaak ti Malakanyang ti pannakadutok ni Azurin idi napalabas a bulan.
