--Ads--
Inlawlawag ni sigud a President Rodrigo Roa Duterte nga awan ti panggepna a tumaray iti kina-senador iti umadanin nga eleksyon inton sumaruno a tawen.
Daytoy ket kalpasan nga inwaragawag ti anakna a ni Vice President Sara Duterte nga adda plano ti amana kasta met dagiti kabsatna a da Davao City Mayor Baste Duterte ken Representative Paolo Duterte a tumaray iti kinasenador.
Sigun kenni Duterte, saanen daytoy nga agsubli iti politika agsipud ta nalpasen daytoy iti politika, laos ken awan ti usarenna a kwarta a panggastos.
Kinuwestionar pay ni Duterte nu mabalin kadi ti agkakapamilya nga agigindan a tumaray iti kinasenador.
Kabayatanna, idi madamag ni Duterte maipapan iti planona iti 2028 elections, kinunana a “God’s will” ladtan ti mapasamak.
