Inkeddeng ni sigud a President Rodrigo Duterte nga adda kadagiti tattao a mangbabalaw iti performance-na iti gobierno ken kinunana a saanna a maibaga nga isuna ti kapudnoan a public official iti sangalubungan.
Inaklon met ni Duterte a saan a nalaka ti public office kas trabaho, uray pay no adda ti panagtakaw iti kuarta agsipudta maibus metlaeng daytoy para iti serbisio ti publiko.
Kinunana pay nga iti baet a kayat ti maysa a tao nga agtakaw iti kwarta ti publiko, awan ti gundawayna gaputa kasapulan daytoy dagiti tattao.
Kabayatanna, inwaragawag ni Duterte idi Biernes, September 20, 2024 nga awan ti inaramid ni Presindent Ferdinand Marcos Jr. a nadagsen a biddut tapno mababalaw daytoy.
Innayun pay ni Duterte a la kitdi maidauluan ti pagilian a Pilipinas iti nasayaat, awan ti mapabpaburan ken panangabuso ket kabaelanna nga agbiag babaen iti panangidaulo ni President Marcos Jr.
