Nagboluntaryo ni sigud a President Rodrigo Duterte nga agbalin a maysa nga abogado ni Vice President Sara Duterte para kadagiti kaso a sangsangoenna a pakairamanan ti impeachment complaints daytoy.
Sigun kenni Vice President Duterte, gapu ta saanna nga inakseptar ti impaay ti amana a financial assistance ket napagdesisyonanna nga agbalin ladta daytoy kas abogadona.
Innayon ti bise presidente nga iti agdama ket ur-urayenda dagiti formal articles para iti panakaimpeachna nga agtaud iti House of the Representatives bayat a nakasagana daytoy a mangsango kadagiti kasona nangruna ket kumpiyansa daytoy nga awan ti linteg a linabsingna.
Maipalagip a ni Vice President Duterte ket sumangsango iti tallo nga impeachment complaints ken dagitoy ket impila dagiti religious groups ken sumagmamano a mamanday-linteg.
