Al-allukoyen dagiti sumagmamano a house members ti National Bureau of Investigation (NBI) nga imbestigaranda ni sigud a President Rodrigo Duterte kalpasan ti nagbalin nga statementna idi napalabas maipapan iti panakapapatay dagiti agngayngayangay a senador.
Daytoy ket kalpasan nga imbaga ni Duterte ti panaka-assasinate dagiti sangapulo ket lima a senador tapno mawayaan dagiti tugaw a mabalin nga akemen dagiti kandidato nga iyen-endorsona.
Sigun kenni Lanao del Sur Representative Zia Alonto Adiong, nasken nga adalen ti National Bureau of Investigation ti nagbalin nga statement ni Duterte daytoy kas panagimbestigarda kenni Vice President Sara Duterte.
Kinuna ni Adiong nga agpada dagitoy nga agama rason a nasken met a mapilaan daytoy iti kaso.
Itay napalabas, nangipila ti NBI iti kaso a sedition ken grave threat kontra kenni Vice President Duterte gapu iti panagpangtana kenni President Ferdinand Marcos Jr.
