Saan a makipaset ni sigud a president Rodrigo Duterte iti International Criminal Court hearing confirmation babaen iti video conference.
Daytoy ti inanunsyo ti defense counsel daytoy a ni Nicholas Kaufman.
Saan meten a nagkomento ni Kaufman nu personal a makipaset ni sigud a president Rodrigo Duterte iti nasao a hearing.
Maibasar iti inanusyo ti International Criminal Court, mangrugi ti confirmation of charges hearing inton Pebrero 23 manipud alas-dyes ti agsapa agingga alas-tres ti malem iti Hague Local Time wenno alas-singko ti malem agingga alas-dyes ti rabii iti Philippine standard time.
Mabalin a mabuya daytoy iti online babaen iti ICC website, Facebook, ken YouTube nupay manamnama nga adda ti 30-minute delay daytoy.
Ti nasao a panagdengngeg ket tapno makumpirmar dagiti bilang ken anya a kaso ti pormal a sangwen ti sigud a presidente.
Nu makumpirmar ti maysa wenno adaddu pay kadagiti akusasyon a sangsangwen daytoy, dagos a maiyuman dagiti kaso iti Trial Chamber.
Mannarimaan met a naka-detain ni sigud a president Rodrigo Duterte idiay International Criminal Court Detention Center idiay The Hague iti maatap a crimes against humanity gapu iti kampanya daytoy kontra iti droga bayat iti panagtugawna kas mayor ti Davao ken kas presidente ti pagilian a Pilipinas.
