Nasentensyaanen ti tungpal biyag a pannakaibalud ti sigud a presidente ti South Korea a ni Yoon Suk-yeol idi kalman.
Daytoy ket kalpasan a napatawan daytoy a guilty iti insurrection charges seknan iti apagbiit a panangideklarana ti martial law idi 2024.
Maipanggep iti daytoy, kinuna ni Presiding judge Ji Gwi-yeon a nalawag gamin ti intensyon ti sigud a presidente iti panangideklarana ti martial law. Daytoy ket tapno i-paralisana ti National Assembly iti pagilian.
Sigun iti korte, dinadael ni Yoon ti demokrasya ti South Korea ken rumbeng laeng a nadagsen ti maipataw nga dusa kenkuana.
Innayon pay daytoy a ti panangideployna kadagiti suldado kadagiti parliyamento ket maikonsidera nga insurrection.
Agdama a nakabalud ni Yoon gapu iti maysa pay a kasona seknan metlaeng iti martial law order.
Kaduana metlaeng a nasentensyaan ti defense minister daytoy a ni Kim Yong-hyun no sadino 30 a tawen a pannakaibalud ti naipataw kenkuana. //Bombo KCS
