Nagturong ni sigud a Senador Antonio Trillanes IV iti Senado nga addaan iti kopia ti mapapati nga arrest warrant manipud iti International Criminal Court (ICC) para kenni Senador Ronald dela Rosa.
Maibasar iti report, ti dokumento ket mainaig paylaeng iti alegasion a pannakairaman ti senador seknan iti kaso ti extrajudicial killings (EJKs) ti drug war kabayatan ti administrasion ni sigud a President Rodrigo Duterte.
Kabayatanna, nagkedked ti Department of Justice nga agkomento maipapan iti mapapati a kopya ti ‘arrest warrant’ nga iggem sigud a Sen. Antonio Trillanes IV.
Sigun kenni DOJ Spokesperson Atty. Polo Martinez, saanda a makaipaay iti koneto agingga a saanda a nakita ti dokumento.
Mainaig iti daytoy, immun-una a kinuna ti pannakangiwat a saanda pay a nakita wenno naawat ti beripikado nga impormasion maipapan iti naipaulog nga ‘ICC Arrest Warrant’.//mp4
