Saan nga immanamong ni sigud a senador Atty. Leila De Lima iti desision ti House Committee on Good Government and Public Accountability a pannakaiyakar ti Office of the Vice President Chief of Staff a ni Atty. Zuleika Lopez.
Sigun kenkuana, ni Lopez ket rumbeng a maiturong laeng iti detention facilities.
Kasaruno ti pammilin ti House of Representatives a maiyakar ni Lopez iti Correctional Institute for Women idiay Mandaluyong manipod iti detention center iti House of Representatives.
Ngem linapdan daytoy ni Vice President Sara Duterte kalpasan nga inyendorsona ti bukodna nga abogadona daytoy.
Kinuna ni De Lima a ti Mandaluyong Prison and the New Bilibid Prison idiay Muntinlupa City ket correctional facilities a nakadesinio kadagiti nakobiktar nga indibidual, ken dinakamatna a saan a ligal ti pannakaiyakar ni Lopez iti nasao a pasilidad.
