Kidkiddawen ni sigud a Senator Ramon “Bong” Revilla Jr. ti inhibition wenno panag-atras ni Sandiganbayan Associate Justice Karl Miranda iti panagdengngeg iti kaso daytoy nga malversation seknan iti maatap nga ghost flood control project idiay Pandi, Bulacan nga aggatad iti agarup ₱92.8-milyon.
Nangipilan ti kampo ti sigud a senador ti urgent motion iti Sandiganbayan Third Division kalpasan nga immpeteng dagitoy ti maatap nga conflict of interest gapu ta kabsat ni Justice Miranda ti abogado ni sigud nga Department of Public Works and Highways Secretary Roberto Bernardo, nga maysa ita nga state witness ken posible nga agtestigo kontra kenni Revilla.
Nagkomento met ditoy ni Justice Miranda no sadino ket inlawlawagnam nga idi damu pay laeng ket inwaragawagna ti koneksyonda kenni Bernardo
Innayonna nga saan a maapektaran ti personal nga koneksyon na iti desisyon nga aramidenna ket adalenna a nalaing ti mosyon para iti posible a boluntaryo nga panag-inhibit.
Kabayatanna, impakaammo ti prosekusyon a saanda nga patgan ti nasao nga mosyon ken inawaganda daytoy a delaying tactic- banag a pinaglibakan met ti kampo ni Revilla. //Bombo Karen Calpoe Sapirao
