Pinaglibakan ni Sigud a Senador Ramon “Bong” Revilla Jr. nga adda ti pakainaiganna iti maatap a “ghost” flood control projects sadiay Bulacan.
Sigun kenni Revilla, saan a kapapati ken awan ti kinapudno iti aligasion kenkuana.
Daytoy ket kalpasan a nairaman kas respondent iti dua reklamo a naipila iti Department of Justice (DOJ).
Maipalagip nga immuna nga impakaammo ti DOJ a karaman kas “proponents” da Revilla ken sigud nga Ako Bicol party-list representative Zaldy Co kadagiti flood control project sadiay Bulacan.
Nairaman ni Revilla iti maysa a reklamo iti SYMS Construction.
Malaksid iti dayta, immuna nga inakosaran ni sigud a Public Works and Highways Undersecretary Roberto Bernardo ni Revilla a nakaawat iti 25% a gatad ti komision manipud iti flood control projects.
Maysa nga alegasion a pinaglibakan ti sigud a Senador.
